बुद्धशान्ति(पालिका सन्देश) – कोरोना कहरका बेला उद्योगी व्यवसायीले बजारमा कसरी व्यवसाय संचालन गर्दैछन् भन्दै बुधबारे बजार अनुगमन तथा सचेतना कार्यक्रम गरिएको छ ।
सामुदायिक प्रहरी सेवा केन्द्र बुधबारेको संयोजन तथा इलाका प्रहरी कार्यालय बुधबारे, उद्योग बाणिज्य संघ बुधबारे, बजार व्यवस्थापन समिति लगायतको सहयोगमा बजार अनुगमन तथा सचेतनामुलक कार्यक्रम गरिएको हो ।
कोरोनाका बेला सामाजिक भौतिक दुरि कायम गर्दै व्यवसाय सन्चालन गर्न आग्रह गर्दै कोरोना संक्रमणलाई ध्यानमा राख्दै वाह्यबाट आउने व्यापारीलाई बजारमा रोक लगाउने सामुदायिक प्रहरी सेवाकेन्द्र बुधबारेका अध्यक्ष धरणीधर पोखरेलले बताएका छन् ।
उनले बजारमा स्वास्थ मापदण्ड अपनाएर व्यवसाय संचालन गरेको छ/ छैन, मास्क लगाएको छ /छैन अनुगमन गर्दै मास्क समेत बितरण गरिएको बताए ।
अनुगमनमा इलाका प्रहरी कार्यालय बुधबारेका इन्चार्ज निराजन कटुवाल , उद्योग बाणिज्य संघ बुधबारेका अध्यक्ष चन्द्र उप्रेती , बजार व्यवस्थापन समितिका अध्यक्ष याम आले लगायतको उपस्थिति रहेको थियो ।
