बेलुनमा हावा भर्ने कमलेशलाई दैनिक हाजिरी जमानीमा छाड्न आदेश

पोखरा । बेलुनमा हाइड्रोजन ग्यास भरेर बेचेको आरोपमा पक्राउ परेका भारतीय नागरिक कमलेश कुमारलाई दैनिक हाजिरी जमानीमा छाड्न आदेश भएको छ ।

जिल्ला प्रशासन कार्यालय कास्कीले उनलाई दैनिक हाजिरमा उपस्थित हुने गरी छाड्न आदेश दिएको हो । उनी अहिले जिल्ला प्रहरी कार्यालयकै हिरासतमा छन् ।

आदेशसँगै उनलाई प्रहरीले प्रक्रिया पूरा गरेर छाड्ने तयारी गरेको छ ।

३ फागुनमा पोखरा भ्रमण वर्ष २०२५ को उद्घाटन समारोहमा ल्याइएको बेलुन उनै कमलेशले बेचेका थिए ।