भारतको पञ्जा कारखानामा भीषण आगलागी, ६ जना मजदुरको जलेर मृत्यु

भारतको महाराष्ट्र राज्यमा पर्ने छत्रपति संभाजीनगरमा रहेको पञ्जा उत्पादन गर्ने कारखानामा गएराति भीषण आगलागी हुँदा कम्तीमा ६ जनाको मृत्यु भएको छ ।

आगलागी भएका बेला कारखानामा एक दर्जनभन्दा बढी मजदुर सुतेका थिए । आगालागी नियन्त्रण गर्न पुगेका दमकल विभागका कर्मचारीले कारखाना भित्रबाट ६ जनाको शव फेला परेको जनाएका छन् । आगलागी भएपछि केही कर्मचारी भने कारखानबाट निस्केर भाग्न सफल भएका थिए । 

पुरै कारखाना जलेको र भित्र ६ जनाको शव फेला पारेर निकालिएको दमकदका कर्मचारीले बताएको भारतीय संचारमाध्यमले उल्लेख गरेका छन् । राति साढे २ बजे आसपास कारखानमा आगलागी भएको थियो ।