कचनकवल – साउन महिनाको अन्तिम सोमबारका अवसरमा झापाको कचनकवल गाउँपालिका स्थित पवित्र धार्मिक स्थल भुतेश्वर शिवालय मन्दिरमा राष्ट्रिय युवा संघ कचनकवल गाउँ कमिटीद्वारा भक्तजनहरूलाई निःशुल्क पानी वितरण गरिएको छ।
साउन महिनाभर प्रत्येक सोमबार भगवान् शिवको पूजा अर्चना गर्न आउने भक्तजनहरूको घुइँचो लाग्ने यस मन्दिरमा, विशेष गरी अन्तिम सोमबारको दिन ठूलो भिड हुने गर्छ। यसलाई मध्यनजर गर्दै भक्तजनहरूको सहजताका लागि युवा संघले निःशुल्क पानी वितरण गरेको हो।
यस अवसरमा कचनकवल गाउँपालिका अध्यक्ष कालेन्द्र प्रसाद सिंह राजवंशी, वडा नम्बर ३ का वडाध्यक्ष ग्यास अजमल मियाँ, राष्ट्रिय युवा संघ झापा जिल्ला सचिवालय सदस्य उमेश मिश्र, युवा संघ गाउँ कमिटी उपाध्यक्ष दुर्गा भण्डारी, सचिव किशोर न्यौपाने, वडा कमिटी अध्यक्ष श्याम घिमिरे, एलन राई, रोजेश मैनाली, लेखनाथ दाहाल लगायतका व्यक्तित्वहरूको उपस्थिति रहेको थियो। कार्यक्रममा नेकपा एमालेका गाउँपालिका अध्यक्ष कुलबहादुर कार्की, वडा नम्बर २ का वडाध्यक्ष लेखनाथ खत्री, तथा कचनकवल गाउँपालिका उपाध्यक्ष नवराज भट्टराई पनि सहभागी थिए।
