भोजपुरमा बोलेरो र एम्बुलेन्स ठोकिदा तीन जना घाईते

दिपेन्द्र लुईटेल भोजपुर । भोजपुरको अरुण गाउँपालिकाको माझिटारमा एम्बुलेन्स र बोलेरो एक आपसमा ठोकिदा तीन जना घाइते भएका छन् ।

पौवादुङमा गाउँपालिकाबाट विरामी लिएर विराटनगर जादै गरेको को १ झ ६६३ नम्बरको एम्बुलेन्स र धरानबाट भोजपुर आउदै गरेको को १ ज ३१६२ नम्बरको बोलेर घुम्तिमा ठोकिदा तीन जना सामन्य घाइते भएको प्रहरीले जनाएको छ ।

घाइते हुनेमा एम्बुलेन्समा सवार पौवादुङमा ३ का २५ वर्षिय पदम खत्री र बोलेरमा सवार षडानन्द नगरपालिका १३ का हेमराज तामाङ र दानबहादुर तामाङ रहेको प्रहरिको भनाइ छ । घटना सोमबार करिव पौने पाँच बजे तिर भएको प्रहरीले जनाएको छ ।