भ्यानको ठक्करबाट गर्भवती महिलाको मृत्यु, ग्वाल्डुब्बा बजारक्षेत्र तनावग्रस्त !

झापा । झापाको गौरादह नगरपालिका – ७ स्थित ग्वाल्डुब्बा बजार क्षेत्र तनावग्रस्त बनेको छ । आफ्नै घर अगाडि बसिरहेको अवस्थामा बा ८ च ७७३५ नम्बरको भ्यानले ठक्कर दिँदा गौरादह नगरपालिका- ७ निवासी २८ वर्षीया गर्भवती महिला सीता साहको मृत्यु भएको थियो।

दुर्घटनामा परी घाइते भएकी उनलाई दमक लाइफलाइन अस्पताल पुर्‍याउनासाथ मृत्यु भएको थियो। प्रहरीले घटनास्थलको मुचुल्का उठाउँदा घटनास्थल परिवर्तन गरेको र चालकलाई जोगाउन खोजेको भन्दै आक्रोशित स्थानीय बासिन्दा विरोधमा उत्रिएका थिए ।

विरोधमा उत्रिएका स्थानीयले ग्वाल्डुब्बा बजारमा विरोध प्रदर्शन गरेका थिए। उनीहरूले सडकमा टायर बालेर नारा जुलुस गरेका थिए। जसले गर्दा ग्वाल्डुब्बा बजार क्षेत्र तनावग्रस्त बनेको थियो ।