मलद्वारमा झण्डै एक केजी सुन बोकाएर पठाउने योजनाकार १ वर्षपछि पक्राउ

काठमाडौं । दुबईबाट मलद्वारमा झण्डै एक केजी सुन बोकाएर पठाउने गिरोहको योजनाकार भनिएका व्यक्ति एक वर्षपछि पक्राउ परेका छन् ।

काठमाडौं प्रहरी परिसरको टोलीले काभ्रेको महाभारत- २ का विकास योञ्जनलाई पक्राउ गरेको हो । गत साउन २५ गते दुबईबाट हिमालय एयरलाइन्समा आएका बाबुलाल दोङलाई प्रहरीले मलद्वारमा लुकाएर ल्याएको ९६० ग्राम सुनसहित पक्राउ गरेको थियो ।

बाबुलालले उक्त सुन विकासले ल्याउन लगाएको बयान दिएपछि प्रहरीले उनलाई नियन्त्रणमा लिएको हो ।