माई। साना किसान महिला कृषि सहकारी संस्था लिमिटेड माई नगरपालिका ४ इलाममा अपरिचित समूहले नगद चोरी गरेको छ।
माई नगरपालिका ४ गैरीगाउँमा रहेको सहकारीबाट लकर सेफमा रहेको र अन्य स्थानमा रहेको नगद गरी २७ लाख ७१ हजार ५ सय ६५ चोरी भएको जिल्ला प्रहरी कार्यालय इलामका प्रहरी निरीक्षक प्रदिप सुवेदीले जानकारी दिए।
मंगलबार राति ११ बजेर ४५ मिनेट देखी १ बजेर २९ मिनेट सम्म ४ जनाको समुहमा सहकारी कार्यालय भित्र पसेर चोरी गरेको सिसि क्यामेरा फुटेजमा देखिएको सुरक्षा स्रोतले जनाएको छ ।
सहकारीको सोमबार सम्मको नगद मौज्दात २६ लाख ७१ लाख ७ सय ६५ रुपैयाँ र मंगलबारको वचत ९९ हजार ८ सय रहेको व्यवस्थापक इन्द्र बहादुर रैका मगरले जानकारी दिए । सानाकिसान कृषि महिला सहकारी संस्थामा करिव १ हजार ३ सय महिला सदस्य रहेका छन् ।