मेचीनागरबाट अवैध रुपमा भारत लैजादै गरेको चार सय केजी सुपारी नियन्त्रणमा

झापा। झापाको मेचीनगरबाट प्रहरीले अवैध रुपमा भारततर्फ लाँदै गरेको चार सय केजी सुपारी नियन्त्रणमा लिएको छ। बिहीबार राति जिल्ला प्रहरी कार्यालय झापा र इलाका प्रहरी कार्यालय काँकरभिट्टाबाट खटिएको प्रहरी टोलीले मेचीनगर–६ हुँदै नेपालबाट भारततर्फ भन्सार छलेर लुकाई छिपाई लाँदै गरेको चार सय केजी सुपारी बरामद गरेको हो।

बरामद गरिएको सुपारीको मूल्य २ लाख ८० हजार रहेको छ। नियन्त्रणमा लिइएको सुपारी आवश्यक कारबाहीका लागि मेची भन्सार कार्यालय काँकरभिट्टा बुझाउने तयारी भइरहेको जिल्ला प्रहरी कार्यालय झापाले जनाएको छ।