दिपेन्द्र लुईटेल भोजपुर । मेटलाईफ नेपालले आज भोजपुरमा विभिन्न कार्यक्रमहरु सम्पन्न गरेको छ ।
मेटलाईफ नेपालले सामाजिक उत्तरदायित्व अन्तगर्त भोजपुर बहुमुखी क्याम्पसलाई ३ थान प्रोजेक्टर प्रदान गरेको छ ।
आज एक कार्यक्रम विच क्याम्पसको सभा हलमा मेटलाईफ नेपालका उपाध्यक्ष तथा महाप्रबन्धक निर्मल काजी श्रेष्ठले क्याम्पस प्रमुख भुलानाथ राईलाई प्रोजेक्टर स्ट्याण्ड सहित ३ थान प्रोजेक्टर हस्तान्तरण गर्नुभएको हो । विद्यार्थीहरुलाई प्रविधी मैत्री बनाउदै डिजीटल माध्यमबाट पठन पाठनकालागि सजिलो होस् भन्ने उद्धेश्यले प्रोजेक्टर प्रदान गरिएको मेटलाईफ नेपालका उपाध्यक्ष तथा महाप्रबन्धक निर्मल काजी श्रेष्ठले बताउनु भयो ।
श्रेष्ठले मेटलाईफ फाउण्डेशनले सामाजीक विकासकालागी गरिब , विपन्न तथा सिमान्कृत समुदाय र क्षेत्रमा सहयोग पुर्उदै आएको जानकारी गराउनु भयो । यसै क्रममा फाउण्डेशनले समुदायमा आधारित कार्यक्रम अन्तगर्त २०७२ सालमा भुकम्प पिडीतको उद्धार , राहत र सहयोगकालागि भुकम्प राहत कोषमा पच्चीस हजार डलर योगदान गरेको , त्यसैगरी कोभिडको समयमा औषधी र अन्य उपकरण खरिदमा सहयोग गरेको, मानवताकालागी आवास नेपालसंग मिलेर का पलान्चोकमा सिमान्कृत समुदायकालागी आवासको ब्यवस्थामा सहयोग गरेको , प्लान नेपालसंग मिलेर कोभिडको समयमा कृषकलाई तरकारी मा आत्मनिर्भर बनाउन मल, विउ विजनमा सहयोग गरेको , रुम टु रिडसंग मिलेर बालिकाको शिक्षामा सहयोग गरेको लगायत मेटलाईफ फाउण्डेशनले सामाजीक विकासमा गरेका योगदान बारे चर्चा गर्नुभएको थियो ।
प्रोजेक्टर हस्तान्तरण कार्यक्रममा क्याम्पस प्रमुख भुलानाथ राईले क्याम्पसको ईतिहास र विकास क्रमबारे बताउदै बिधार्थीलाई प्रभावकारि ढंगले अध्ययन अध्यापन गर्न तिर्खाएको बेलामा केही हदसम्म प्यास मेट्न सहयोग गरेको मा मेटलाईफ नेपाल प्रति आभार प्रकट गर्दै मेटलाईफ नेपालका उपाध्यक्ष तथा महाप्रबन्धक निर्मल काजी श्रेष्ठलाई मायाको चिनो प्रदान गर्नुभएको थियो ।
कार्यक्रममा मेटलाईफ नेपालका सहायक उपाध्यक्ष तथा चिफ डिष्ट्रिब्युसन अफिसर अरुण बहादुर बस्नेत , मेटलाईफ नेपालका एजेन्सी डाईरेक्टर अनिन्द्र राज श्रेष्ठ , मेटलाईफ नेपालका कोशि प्रदेश प्रमुख रितेन्द्र कार्की लगायत क्यापसका प्राध्यापक र विद्यार्थीहरुको समेतक सहभागीता रहेको थियो ।
यसै सिलसिलामा आज नै मेटलाईफ नेपालको भोजपुर सम्पर्क कार्यालयको उद्वघाटन गरियो । उद्घाटनमा बोल्दै मेटलाईफ नेपालका उपाध्यक्ष तथा महाप्रबन्धक निर्मल काजी श्रेष्ठले भोजपुरमा विमाको पहुँच विस्तारकालागि कार्यलय संचालनमा ल्याएको प्रष्ट पार्नुभयो । कार्यलय उद्घाटन पश्चात भोजपुर नगरपालिकाको तालिम हलमा विमा जागरण कार्यक्रम समेत संचालन गरियो । सो कार्यक्रममा ८० जनाको सहभागीता रहेको थियो ।
