काठमाडौं । अछामको मङ्गलसेनबाट टीकापुर जाँदै गरेको ना ६ ख ८२९ नम्बरको बस कैलाश खोलानजिकै आज दिउँसो दुर्घटना हुँदा दुई जनाको घटनास्थलमै मृत्यु भएको छ ।
मृत्यु हुनेमा मङ्गलसेन नगरपालिका– १४ का ५७ वर्षीय टेक भण्डारी र सोही नगरपालिका– १ का अन्दाजी २२ वर्षीय एकेन्द्र थापा रहेको जिल्ला प्रहरी कार्यालय अछामले जानकारी दिएको छ ।
दुर्घटनामा परी मृत्यु हुनेको सङ्ख्या बढ्न सक्ने प्रहरीले अनुमान गरेको छ ।
दुर्घटनामा परी २९ जना घाइते भएका छन् । घाइते भएकालाई बयालपाटा र जिल्ला अस्पताल मङ्गलसेनमा उपचारमा लागि पठाइएको प्रहरी जनाएको छ ।
यो समाचार तपाईलाई कस्तो लाग्यो??
+1
+1
+1
+1
+1
+1
+1
