बनियानी। राष्ट्रिय प्रजातान्त्रिक पार्टी (राप्रपा)को भातृ संगठन राष्ट्रिय प्रजातान्त्रिक विद्यार्थी संगठन(राप्रविस) कचनकवल र हल्दिवारीका नवगठित राप्रविस कार्यसमितिका अध्यक्ष पंकज शाहको नेतृत्वमा आएको टोलीबीच विशेष भेटघाट तथा अन्तरक्रिया कार्यक्रम सम्पन्न भएको छ। हिजो कचनकवलमा आयोजित कार्यक्रममा संगठनका अग्रज व्यक्तित्व तथा विद्यार्थीहरूको सहभागिता रहेको थियो।
कार्यक्रममा समसामयिक विषयमा छलफल, अन्तर्क्रिया, तथा कचनकवलका विभिन्न क्षेत्रहरूको अवलोकन गरिएको थियो। प्रमुख अतिथिका रूपमा राप्रपा केन्द्रिय सदस्य तथा कचनकवल गाउँपालिकाका पूर्व अध्यक्ष अन्जार आलम र राप्रविस केन्द्रिय सदस्य मुन्ना आलम उपस्थित रहनुभएको थियो।
राप्रबिस कचनकवलका अध्यक्ष विकास शर्माले उक्त कार्यक्रमले हल्दिवारी र कचनकवलका विद्यार्थीहरू बीच नयाँ सम्बन्धको सुरुवात भएको बताउनुभयो। कार्यक्रमको क्रममा दुई समिति बीच औपचारिक परिचय पनि गराइएको थियो।
