दुर्गापुर ।
लायन्स क्लब अफ कनकाई “दुर्गापुर”को स्थापना भएको छ ।
दुर्गापुर क्षेत्रका युवा समाजसेवी दीपक खतिवडाको अध्यक्षतामा गठन भएको २० सदस्यीय लायन्स क्लबको प्रथम उपाध्यक्षमा तिलचन रिजाल, दोस्रो उपाध्यक्षमा भुवन खतिवडा र तेस्रो उपाध्यक्षमा रमन अधिकारी रहनुभएको छ ।
यसैगरी सचिवमा डिल्ली रिजाल, कोषाध्यक्षमा प्रमिला नेपाल र सहसचिवमा ईश्वर सुवेदी रहनुभएको छ ।
यसैगरी उपकोषाध्यक्षमा सरिता अधिकारी, जनसम्पर्क अधिकारीमा युवराज बोहोरा, कार्यक्रम संयोजकमा राजेश श्रेष्ठ, वातावरण संयोजकमा खगमाया चापागाईँ र टिटी संयोजकमा माधव बराल रहनुभएको छ ।सदस्यहरूमा शम्भु पोखरेल, भगवती पाठक, रमेश सेर्पा दावा, युवराज अधिकारी, जगनाथ सिग्देल र प्रदिप दंगाल रहनुभएको छ ।
लायन्स क्लबका जिल्ला सचिव तथा लायन्स क्लब अफ कनकाई सुरुङ्गाका संस्थापक अध्यक्ष लीला चिमरियाको प्रमुख आतिथ्यमामा उक्त क्लबको स्थापना गरिएको हो । लायन्स क्लबको मूल नारानै हामी सेवा गछौँ रहेकोले यस क्षेत्रका बिरामी र कमजोर आय भएका रोगीहरुको सेवामा लायन्स क्लब अफ दुर्गापुर सदैव रहने लायन्सका अध्यक्ष दीपक खतिवडाले बताउँनुभयो । लायन्सले सामाजिक क्षेत्र, वृद्धवृद्धाहरूको र पिछडिएका वर्गका लागि सदैव कार्यक्रमहरू गरिरहेको खतिवडाले बताउँनुभयो ।
लायन्सले वृक्षरोपण, स्वास्थ्य, शिक्षा लगायतका १४ वटा कार्यक्रमहरु गर्ने योजना समेत बनाइसकेको अध्यक्ष खतिवडाले बताउँनुभयो । क्लबमा हाल २० जना सदस्य भएपनि यसलाई निरन्तर थप गर्दै लैजाने सचिव डिल्ली रिजालले बताउँनुभयो । कनकाई नगरपालिका ७ दुर्गापुरमा कार्यालय रहेको यस क्लबले यस क्षेत्रका युवालाई समेट्ने बताइएको छ ।
