सर्लाही। सर्लाहीको रामनगरमा शंकास्पद मृत्यु भएकी एक महिलाको जलाउन घाटमा लगेको शव प्रहरीले नियन्त्रणमा लिएको छ ।
रामनगर गाउँपालिका–१ की २१ वर्षीया मनिषा साहको शंकास्पद मृत्यु भएको र परिवारले दाहसंस्कारका लागि बुधबार घाटमा लगेको सूचना पाएलगत्तै प्रहरीले शव नियन्त्रणमा लिएको हो ।
प्रहरीले मृतकको पति सुनिल साह, ससुरा रामेश्वर साह र देवर रामबाबु साहलाई अनुसन्धानका लागि नियन्त्रणमा लिएको छ । नजिकैको मनुष्मारा नदिमा शव चलाउन ठिक्क पारेको अवस्थमा प्रहरीले नियन्त्रणमा लिएको हो । सर्लाहीका प्रहरी उपरीक्षक शंकास्पद मृत्यु भएको सूचना आएको र महिलाको घाँटीमा निलडाम पनि देखिएकाले अनुसन्धान भइरहेको बताए ।
शव नियन्त्रणमा लिएर पोष्टमार्टमका लागि सदरमुकाम मलंगवास्थित प्रादेशिक अस्पतालमा लगिएको छ ।
यो समाचार तपाईलाई कस्तो लाग्यो??
+1
+1
+1
+1
+1
+1
+1
