साउदी पुगेको एक हप्तामै गोलधापका युवकको निधन

हल्दिवारी गाउँपालिका वडा नम्बर १ साविक गोलधाप ३ का एक युवाको रोजगारीको सिलसिलामा साउदी अरव पुगेको हप्ता दिनमै निधन भएको छ ।

नेपाली काङ्ग्रेस गोलधापका अभिभावक होमनाथ भुर्तेलका कान्छा छोरा बिजय भुर्तेलको साउदी पुगेको हप्ता दिन नबित्दै बिरामीको कारण निधन भएको काङ्ग्रेस जिल्ला सदस्य इन्द्र कार्कीले जानकारी दिनु भएको छ ।

उनी यही साउन १५ गते रोजगारीको लागि साउदी गएका थिए । उनको शव आज काठमाडौं आइपुगेको र राति १ बजे सम्ममा गोलधाप ल्याईपुराउने जानकारी प्राप्त भएको छ ।

परिवार जनका अनुसार भोलि १० बजे पवित्र कन्काई नदिमा उनको पार्थिक शरीरको अन्त्येष्टि गरिने छ ।