सुरुङ्गामा कार दुर्घटना हुँदा दुई जना घाइते

कनकाई। झापाको कनकाई नगरपालिका–८ सुरुङ्गामा अहिले केहीबेरअघि कार पल्टिँदा दुई जना घाइते भएका छन् ।

पूर्वबाट पश्चिम जाँदै गरेको बा१३च २३०७ नम्बरको कार अनियन्त्रित भई राजमार्ग किनारमा पल्टिएको हो । कार पल्टिँदा चालक कनकाई–३ का ३३ वर्षीय सुलभ मैनाली र कारमा सवार ३५ वर्षीय सरोज पोखरेल घाइते भएको सुरुङ्गा प्रहरीले जनाएको छ ।

उपचारका लागि उनीहरूलाई बिएन्डसी अस्पताल बिर्तामोड लगिएको छ ।