हामीलाई हावाहुरी भन्छन्, तर यो भ्रष्टहरूलाई उडाउने सुनामी हो: रवि लामिछाने

चितवन। राष्ट्रिय स्वतन्त्र पार्टी रास्वपाका सभापति रवि लामिछानेले चितवनमा आफ्नो पार्टीको पक्षमा माहौल बढेको बताएका छन् । उनले मान्छेहरूले तर्साउन, झुक्याउन माहौल घटेको बताउने गरेको भए पनि माहौल भने दोब्बरले बढेको बताए ।

चितवन २ मा हुन लागेको उपनिर्वाचनका लागि उम्मेदवारसमेत रहेका रविले चितवनमा आयोजित एक कार्यक्रममा बोल्दै कतिपयले गत निर्वाचनमा चितवनमा ‘हावाहुरी’ले जितेको बताउने गरेको भन्दै त्यो हावाहुरी मात्रै नभएर भ्रष्टहरूलाई उडाउने सुनामीसमेत भएको बताए ।