लखनऊ सुपर जायन्ट्स आईपीएल २०२५ को प्लेअफको होडबाट बाहिरिएको छ। सोमवार राति इकाना स्टेडियममा भएको खेलमा सनराइजर्स हैदराबादसँग ६ विकेटले पराजित भएपछि लखनऊको प्लेअफ यात्रा समाप्त भएको हो।
हैदराबादका कप्तान प्याट कमिन्सले टस जितेर पहिला बलिङ गर्ने निर्णय लिए। लखनऊले निर्धारित २० ओभरमा ६ विकेटको क्षतिमा २०५ रनको बलियो स्कोर तयार गर्यो। ओपनर मिचेल मार्शले ६५ रन र एडन माकरमले ६१ रन बनाएर अर्धशतक पूरा गरे, भने निकोलस पूरनले ४५ रनको योगदान दिए।
जवाफमा हैदराबादले १८.२ ओभरमा मात्र ४ विकेट गुमाएर लक्ष्य भेट्टायो। अभिषेक शर्माले ५९ रन, हेनरिक क्लासनले ४७ रन र ईशान किशनले ३५ रन बनाए। लखनऊका लागि दिग्वेश राठीले २ विकेट लिए भने ईशान मलिंगाले पनि २ विकेट झारे।
यस हारसँगै लखनऊ सुपर जायन्ट्सको सिजन अन्त्य भएको छ भने हैदराबाद प्लेअफको नजिक पुगेको छ।
यो समाचार तपाईलाई कस्तो लाग्यो??
+1
+1
+1
+1
+1
+1
+1
