काठमाडौँ । चालु आर्थिक वर्षको १० महिनाको अवधिमा ६ लाख ८५ हजार नेपाली बाहिरिएका छन् ।
वैदेशिक रोजगार विभागका अनुसार साउनदेखि बैशाखसम्म १ लाख ८ हजार ४०२ जनाले नयाँ र अन्यले पुनः श्रम स्वीकृती लिएर जम्मा ६ लाख ८५ हजार ९२४ जना बाहिरिएका हुन् ।
गत आर्थिक वर्षको सोही अवधिमा ६ लाख ९ हजार ७ सय ५ जनाले अन्तिम श्रम स्वीकृति लिएका थिए । चालु आर्थिक वर्षको १० महिनामा बाहिरिएका मध्ये ६ लाख ८ हजार ८३९ जना पुरुष रहेका छन् भने ७७ हजार ८५ जना महिला रहेका छन् ।
चालु आर्थिक वर्षको वैशाख महिनामा मात्रै ७८ हजार ५१ जना रोजगारीको सिलसिलामा गएका छन् । जसमध्ये ६९ हजार १२० जना पुरुष छन् भने ८ हजार ९३१ जना महिला रहेका छन् । चैतसम्म ५ लाख ३९ हजार ७१९ पुरुष र ६८ हजार १५४ जना महिला गरी कूल ६ लाख ७ हजार ८७३ जनाले श्रम स्वीकृति लिएका थिए ।
वैशाखसम्म म्यानपारवबाट २ लाख ८६ हजार ९४१ जना बाहिरिएका छन् भने जीटुजी मार्फत १० हजार ६३ जनाले श्रम स्वीकृती लिएका छन् ।
