झापा। १० वर्षको अवधीमा हात्तीको आक्रमणमा परी झापामा ५६ जनाले ज्यान गुमाएका छन्। जिल्लाका विभिन्न सामुदायिक वनमा रहेका १३ रैथाने र भारतबाट आउने जंगली हात्तीको आक्रमणबाट ५६ जनाले ज्यान गुमाएको डिभिजन वन कार्यालयले जनाएका छन्। यहि अवधीमा १६ वटा हात्ती समेत मरेका छन्।
प्रायः जङ्गलमा निगुरो टिप्ने, घाँस दाउरा गर्ने र कतिपयको रातको समयमा घरमै हात्तिले आक्रमण गरेर ज्यान गएको डिभिजन वन कार्यालयका प्रमुख जिबन प्रसाद पाठकले बताउनु भयो। झापामा विशेष गरेर सामुदायिक वन रहेका क्षेत्र तथा भारतसँग सिमा जिडिएका स्थानहरूमा यस्तो समस्या रहेको छ।
हिजो मात्रै बाह्रदशी गाउँपालिका १ का ३७ वर्षीय जगतबहादुर भुजेलको हात्तीको आक्रमणमा परी ज्यान गएको थियो। छिमेकी गाउँपालिका कचनकवलको पश्चिम देउराली सामुदायिक वनमा बाख्रालाई घाँस काट्न गएका भुजेललाई हात्तीले कुल्चिएर आक्रमण गरेको थियो। सोही वाडाका ८० वर्षीय देवीबहादुर अधिकारीको गएको भदौ १५ गते हात्तीकै आक्रमणबाट ज्यान गएको थियो।
