झापा, साउन २५ – हल्दीबारी गाउँपालिका र विर्तामोड नगरपालिकामा अवस्थित तीन स्काउट ट्रुपले संयुक्त रूपमा आयोजना गरेको एक दिने हाइकिङ्ग कार्यक्रम आज सफलतापूर्वक सम्पन्न भएको छ।
कार्यक्रममा हल्दीबारीबाट सिग्मा स्काउट ट्रुप र चिल्ड्रेन गार्डेन स्काउट ट्रुप, तथा विर्तामोडबाट इडन गार्डेन स्काउट ट्रुप सम्मिलित थिए। हाइकको क्रममा सहभागीहरुले झापा–इलाम सिमानामा पर्ने निन्दा सिरान (झरना) र झापाको सबैभन्दा उच्च स्थानमा रहेको कृष्ण थुम्की मन्दिर अवलोकन गरेका थिए।स्काउटिङको माध्यमबाट बालबालिकामा व्यवहारिक ज्ञान र जीवनोपयोगी सीप अभिवृद्धि गर्ने उद्देश्यले आयोजना गरिएको यस कार्यक्रममा १५० भन्दा बढी स्काउटहरुको सहभागिता रहेको आयोजकले जनाएका छन्।
कार्यक्रमलाई सफल बनाउन प्रत्यक्ष तथा अप्रत्यक्ष रूपमा सहयोग गर्ने सबैलाई आभार व्यक्त गर्दै आयोजकले विर्ता यूथ स्काउट क्रू, विर्तामोड प्रति विशेष धन्यवाद ज्ञापन गरेका छन्।
