इलाम। इलामको राेङ गाउँपालिकाको वडा नम्बर ६ ले आफ्नो वडा भित्रका कुनै वडावासीको मृत्यु भएमा वडाका जनप्रतिनिधिहरू पुग्ने प्रतिबद्धता कार्यन्वयन गरेको छ ।
आफ्नो पार्टीका समर्थकको निधन भएको अवस्थामा मात्रमात्रै मलामी अनि समवेदना बोकेर पुग्ने राजनीतिक दलहरूका व्यवहारलाई चुनौति दिँदै वर्तमान राेङ गाउँपालिका वडा न ६ का वडाध्यक्ष सत्यम् राई चाैरासेले आफू निर्वाचित भए लगत्तै वडा भित्रका सबै नागरिकहरू आफ्ना लागी समान हुन र उनीहरूलाई कुनै राजनीतिक हिसाबले असमान व्यवहार गरिनु हुँदैन भन्ने जनमुखी र लोकतान्त्रिक निर्णय गरेर वडा भित्रका जोकोहीको निधन भएमा वडाको तर्फबाट समवेदना सहित उपस्थित भएर सहानुभूति दिने गरेका हुन् ।
दोश्रो स्थानीय निर्वाचन भएयता राेङ गाउपालिका बडा न ६ मा एक दर्जन बढि नागरिकको मृत्यु भएको र यसमा सबैको घरमा वडाका सम्भव भएसम्म सबै जनप्रतिनिधिहरू र कर्मचारीहरू पुगेर समवेदना व्यक्त गरिएको वडा सचिव खगेन्द्र खतिवडाले बताए ।
आफ्ना घरमा नजिकको सरकार वडाका जनप्रतिनिधि र कर्मचारीहरू दुखको बेलामा आँउदा आफ्नो दुखी मन पनि केही हलुका जस्तो भएको राेङ छ रम्भ्याङका एक शाेकाकुल सदस्यले बताए । जनक न्यौपाने, राेङ २३ भदौ
