बुद्धशान्ति । बुधबारे जेसीजले आज माघ २ गते शुक्रबार जेसीजका नयाँ सदस्यहरुका लागि तालिम सम्पन्न गरेको छ । जेसीजमा आवद्ध जेसीहरुलाई जेसीज के हो ? र युवालाई जेसीजको आवश्यकता विषयक एक दिने तालिम सम्पन्न गरेको हो । बुधबारे जेसीजका सदस्य जेसी गोकुल पौड्यालको संयोजकत्वमा भएको तालिममा बुधबारे जेसीजका अध्यक्ष जेसी अनिल वाग्ले र बुधबारे जेसीजका पूर्व अध्यक्ष जेसी प्रकाश भण्डारीले तालिममा सहजिकरणको भूमिका निर्वाह गरेका थिए ।
पूर्व अध्यक्ष जेसी रमेश बराल र निर्वतमान अध्यक्ष जेसी नन्दकुमार यापूm राईको आतित्थता रहेको तालिममा दुई दर्जन बढी सदस्यले तालिममा सहभागिता जनाएका थिए । तालिमको सञ्चालन महासचिव जेसी सुजित बरालले गरेका थिए ।
![](http://palikasandesh.com/wp-content/uploads/2021/01/139487835_682409479101488_5513119631923750685_o-1200x800.jpg)
‘भाले जुधाई’ खेलमा टेकेन प्रथम, गोकुल दोस्रो
परम्परागत खेललाई सम्झाउने र युवा पुस्तामा बढ्दो मोवाईलको प्रयोग न्युनिकरण गर्ने उद्धेश्यले बुधबारे सोही दिन भाले जुधाई कार्यक्रमको समेत आयोजना गरेको थियो ।
विद्यालय पढ्ने विद्यार्थी मोवाईलमा बढी व्यस्त भईरहेको सन्दर्भमा पुराना खेलले शारिरीक तथा मानसिक वृतिविकास हुन्छ भन्ने सन्देश दिन भाले जुधाई खेल आयोजना गरिएको अध्यक्ष जेसी अनिल वाग्लेले जनाएका छन् । जेसी टेकेट भट्टराईको संयोजकत्वमा भएको खेलमा टेकेन भट्टराई प्रथम र गोकुल पौडेल दोस्रो भएका छन् । जेसी नवराज कोइरालाले सञ्चालन गरेको कार्यक्रममा अध्यक्ष जेसी अनिल वाग्ले, कार्यकारिणी उपाध्यक्ष जेसी कृष्ण ढकाल, उपाध्यक्ष जेसी विनोद रिजाल र उपाध्यक्ष जेसी रुद्र निरौलाले विजेता उपविजेतालाई पुरस्कार प्रदान गरेका थिए ।
![](http://palikasandesh.com/wp-content/uploads/2021/01/139469656_200964451768632_5643131181906007301_n.jpg)
जेसीज युवाले सञ्चालन गरेको होमस्टेको प्रमोसन
बुधबारे जेसीजले बर्ष २०२१ मा जेसीज युवाहरुले सञ्चालन गरेको व्यवसायलाई प्रर्वद्धन गर्ने भएको छ ।
जेसीहरु व्यापारमा, जागिरमा र सफल हुनुपर्छ भन्ने मान्यतालाई सफल पार्न जेसी युवाहरुले गरेका कामको प्रचार गर्ने रणनिती बनाएको बुधबारे जेसीजका अध्यक्ष जेसी अनिल वाग्लेले बताएका छन् । सोहि अनुरुप जनवरी १५ देखि बुधबारे जेसीजले जेसीजमा लागेका युवाले सञ्चालन गरेको व्यवसाय प्रवद्र्धन गर्न सुरु गरेको छ ।
सोहि अनुरुप जेसी उमेश तिम्सिनाले बुधबारे बजारमा सञ्चालन गरेको सुविधा सम्पन्न ‘तेन्जिङ नोर्गे होमस्टे’ को प्रमोसन गरेको हो । सो प्रमोसन कार्यक्रममा बुधबारे जेसीजका अध्यक्ष जेसी अनिल वाग्ले, निर्वतमान अध्यक्ष जेसी नन्दकुमार याफू राई, पूर्व अध्यक्षहरु जेसी प्रकाश भण्डारी र जेसी रमेश बराल सहित ३५ बढी जेसीज सदस्यको उपस्थिति थियो । जेसी उमेश तिम्सिनाको सभापतित्वमा भएको कार्यक्रम जेसी गोकुल पौडेलले सञ्चालन गरेका थिए ।
![](http://palikasandesh.com/wp-content/uploads/2021/01/138763021_682409525768150_3878011352224854316_o-1-1200x800.jpg)
![](http://palikasandesh.com/wp-content/uploads/2021/01/139397335_682409452434824_1219863218805110816_o.jpg)
![](http://palikasandesh.com/wp-content/uploads/2021/01/139522213_2785899188325620_8953031080669175324_n-1200x900.jpg)