पालिका सन्देश – गृहमन्त्रीसमेतकाे ‘सिफारिस’मा आफूले केही युवालाई प्रहरीमा जागिर खुवाएकाे भन्दै फेसबुकमा स्टाटस लेख्ने प्युठानका नरेन्द्र गुरुङ पक्राउ परेका छन् ।
देशभरबाट ४१ जना युवालाई प्रहरी जवान बनाउन आफूले गृहमन्त्री बालकृष्ण खाँणसहित प्युठानका स्थानीय कांग्रेस नेताहरूकाे समेत साथ पाएकाे भन्दै उनले फेसबुकमार्फत नाम सार्वजनिक गरेका थिए ।
ऐरावती गाउँपालिका-१ का ३० वर्षीय गुरुङलाई आज नियन्त्रणमा लिइएकाे प्युठानका प्रहरी नायब उपरीक्षक सुनिल मल्लले जानकारी दिए ।
सरकारी जागिरका लागि सिफारिस गर्नु वा कुनै निकायलाई दबाब दिनु गैरकानुनी मानिन्छ । यस्तो अवैधानिक काममा आफ्नो नाम मुछिएपछि गृहमन्त्री खाँडले गुरुङलाई नियन्त्रणमा लिन निर्देशन दिएका थिए । गुरुङ नेपाल विद्यार्थी संघका स्थानीय नेता भएको बताइएको छ ।
यो समाचार तपाईलाई कस्तो लाग्यो??
+1
+1
+1
+1
+1
+1
+1
