आजको मौसम: अधिकांश स्थानमा आंशिक बदली रहने ।

काठमाडौं । देशका अधिकांश स्थानमा आजको मौसममा आंशिकदेखि सामान्य बदली रहने जल तथा मौसम पूर्वानुमान महाशाखाले जनाएको छ ।

प्रदेश १, बागमती र गण्डकी प्रदेशमा आंशिकदेखि सामान्य बदली तथा अन्य प्रदेशहरूमा आंशिक बदली रहने छ । प्रदेश १ र गण्डकी प्रदेशका हिमाली भू-भागका एक वा दुई स्थानहरूमा हल्का हिमपातको सम्भावना रहेको छ ।

अहिले बिहान देशका पहाडी तथा हिमाली भू–भागमा आंशिक बदली रही अन्य भू–भागममा मौसम सामान्यतया सफा रहेको छ । आज राति प्रदेश १, प्रदेश २ र बागमती प्रदेशमा आंशिकदेखि सामान्य बदली रहने तथा अन्य भू–भागमा आंशिक बदली रहने छ ।

प्रदेश १ र गण्डकी प्रदेशका हिमाली भू–भागका एक वा दुई स्थानमा हल्का हिमपातको सम्भावना रहेकोले सामान्य सतर्कता अपनाउन महाशाखाले आग्रह गरेको छ ।