ओखलढुंगा । ओखलढुंगाको सुनकोशी गाउँपालिका–९ बुलडाँडामा जिप दुर्घटना हुँदा चार जनाको मृत्यु भएको छ ।
ओखलढुंगाबाट च्यानम हुँदै ककनी मन्दिर जाँदै गरेको प्रदेश–३–०१–०२२ च ९६९४ नम्बरको जिप आज बिहान दुर्घटना हुँदा अन्य १५ जना घाइते भएको ओखलढुंगा प्रहरी प्रमुख डीएसपी गोविन्द काफ्लेले जानकारी दिए ।
घाइतेमध्ये चार जनाको अवस्था चिन्ताजनक छ । उनीहरूलाई हेलिकप्टरमार्फत काठमाडौंको ह्याम्स अपस्ताल ल्याइएको छ ।
मृत्यु हुनेमा वर्ष ३५ की मिठुमाया मगर, वर्ष १६ की तुलसा मगर, खगेन्द्र मगर र शान्तामाया मगर रहेका छन् ।
उनीहरू सबै सिद्धिचरण नगरपालिका १० का स्थानीय रहेको डीएसपी काफ्लेले बताए । उनीहरू ककनी एकादशी मेला भर्न जाँदै गर्दा दुर्घटनामा परेका हुन् ।
यो समाचार तपाईलाई कस्तो लाग्यो??
+1
+1
+1
+1
+1
+1
+1
