कचनकवलमा पनि डेंगु विरुद्ध सचेतना अभियान सुरु

कचनकवल-४ केचनामा डेंगु विरुद्धको सचेतना सुरु भएको छ।

कचनकवल-४ स्थित स्वास्थ चौकी, केचनाको नेतृत्वमा डेंगु रोकथामका लागि लाम्खुट्टे/लार्भाको बासस्थान खोजी तथा नष्ट गर्ने अभियान सुरु गरेको हो।

जस अन्तर्गत आज केचना बजारमा रहेका पसल अनुगमन गरि पसलमा रहेका फ्रीजमा जेमेको पानी हप्तामा एकचोटि सफा गर्न आग्रह र बजारमा रहेका टिनका डब्बा, रंगका खाली डब्बा, थोत्रा टायर, अलकत्रा र मट्टितेलका खाली ड्रम, फूलदानी, गमला, ट्यांकीहरूमा डेंगुको लार्भा भेटिने भएकोले ति बस्तुमा जमेको पानी पहिचान गरि जमेको पानी पोखिएको हो। जसको सहजीकरण इलाका प्रहरी कार्यालय केचनाले सहजीकरण गरेको थियो।