काँकरभिट्टामा अफ्रिकन स्वाइन फिभर पुष्टि, ८० बङ्गुरको मृत्यु

काँकरभिट्टा । अफ्रिकन स्वाइन फिभरको आशंका गरिएको काँकरभिट्टाको एउटा बङ्गुर फार्मको बङ्गुरहरुको परीक्षण गर्दा रिपोर्ट पोजेटिभ आएको छ ।

मेचीनगर नगरपालिकाका पशु सेवा शाखा प्रमुख बिक्रम गुरुङले पशु सेवा विभागको केन्द्रीय पशुपंक्षी रोग अन्वेषण प्रयोगशाला काठमाडौँले मेचीनगर–६, रमाइलो गाउँ स्थित बबिता बंगुर फार्मका बङ्गुरहरुमा अफ्रिकन स्वाइन फिभर भएको पुष्टि गरेको जानकारी दिए ।

EPIC EPIC EPIC EPIC EPIC

नगरपालिकाले जेठ ११ गते प्रारम्भिक नमूना संकलन गरी विराटनगर स्थित पशुपंक्षी रोग अन्वेषण प्रयोगशालामा परीक्षणका लागि पठाएको थियो । परीक्षणको रिपोर्ट विहीबार आएको थियो ।

फार्मका ८० वटा बङ्गुर मरेका थिए । फार्मकी सञ्चालक बबिता गहतराजले गत वैशाख २७ गतेदेखि बङ्गुरहरू एकपछि अर्को गर्दै मर्न थालेको बताइन् । उनले जेठ ११ गते सम्ममा ८० वटा बङ्गुर मरेको बताइन् ।

उनले फार्मका सबै बङ्गुर मरेकाले क्षतिपूर्ती दिन माग गरेकी छन् । बीमा नविकरण नगरे पनि बङ्गुर फार्मको दर्ता भने सबै कार्यालयमा गरेको उनले बताइन् । शुक्रबार नगरपालिकाको पशु सेवा शाखा प्रमुख गुरुङसहितको प्राविधिक टोलीले बङ्गुर फार्म र आसपासका क्षेत्रका बङ्गुर पालन कृषकहरुलाई सचेतना, फिनेल र भीरकन औषधिहरु दिएका थिए ।
‘अफ्रिकन स्वाइन फिभर मान्छेमा सर्ने रोग होइन’, गुरुङले भने–‘बङ्गुरबाट सुङ्गुर र बदेलमा सर्न सक्छ । अन्य प्रजातिका पशुहरुमा पनि सर्दैन ।’

यो समाचार तपाईलाई कस्तो लाग्यो??
+1
0
+1
0
+1
0
+1
0
+1
0
+1
0
+1
0
EPIC EPIC EPIC EPIC EPIC

लेखकको बारेमा

palika-sandesh

पालिका सन्देश

Leave a Reply

Your email address will not be published. Required fields are marked *