बुद्धशान्ति । न्यू कञ्चन कृषि सहकारी संस्था लि बुद्धशान्ति -३ झापाको १५ औँ बार्षिक साधारणसभा सम्पन्न भएकोे छ । शुक्रबार सम्पन्न साधारण सभाले नयाँ सञ्चालक समिति समेत चयन गरेको छ । समितिको अध्यक्षमा पुन ईश्वरीराज ढकाल चयन भएका छन् ।
त्यस्तै उपाध्यक्षमा बिष्णुमाया दाहाल, सचिवमा जनार्दन खतिवडा, सह -सचिवमा राम प्रसाद घिमिरे, कोषाध्यक्षमा चन्द्रप्रसाद गौतम सर्वसम्मत चयन भएका छन् । चार बर्षे कार्यकालका लागि समितिको सदस्यमा ज्ञान बहादुर धिमाल, घनेन्द्र भुर्तेल, प्रदिप गुप्ता, देवीप्रसाद गौतम, समिता धिमाल र कृष्णकुमारी वाग्ले सर्वसम्मत चयन भएका छन् । लेखा समितिमा भने खेमराज कट्टेल संयोजक, कल्पना बराल र जगदीश ढुंगाना सदस्यमा चयन भएका छन् ।
संस्थाका अध्यक्ष ईश्वरीराज ढकालको सभापतित्व तथा बुद्धशान्ति गाउँपालिका कृषि बिकास शाखाका प्रमुख अर्जुन पौडेलको प्रमुख आतिथ्यता, सिद्धेश्वर शिवालय मन्दिरका अध्यक्ष नारायण न्यौपानेको बिशिष्ट आतिथ्य रहेको थियो । कार्यक्रममा अध्यक्ष ढकालले प्रगति प्रतिवेदन पेश गरेका थिएभने लेखा समिति संयोजका दंगालले लेखा प्रतिवेदन पेश गरेका थिए ।
सोही अवसरमा वर्ष सम्मान समेत गरिएको थियो सम्मानित हुनेहरुमा गत बर्षको कक्षा १२ उत्र्तीण गर्ने सेयर सदस्यका छोराछेरीहरु अनुप धिमाल, कृतिका घिमिरेलाई सम्मान गरिएको थियो । त्यस्तै उत्कृष्ट कारोवार गर्ने सेयर सदस्य देवकुमारी सेनेहाङ दाहाल, उत्कृष्ट बचतकर्ता सदस्य गौरा पाठक, उत्कृष्ट महिला समूहमा प्रगतिशिल महिला बचत समूहलाई सम्मान गरिएको थियो । उनीहरुलाई नगद तथा सम्मान पत्रले सम्मान गरिएको संस्थाका व्यवस्थापक उत्तम धिमालले बताएका छन् ।
संस्थाका उपाध्यक्ष खेमराज कट्टेलले सवगत गरेको कार्यक्रमको सञ्चालन सचिव जनार्दन खतिवडाले गरेका थिए । कार्यक्रममा प्रमुख अतिथि पौडेल, बिशिष्ट अतिथि न्यौपाने र सहारा ज्येष्ठ नागरिक चौतारी बुद्धशान्त ३ का अध्यक्ष टीकाराम पौडेल लगायतले शुभकामना मन्तव्य राखेका थिए ।
