प्याब्सन अध्यक्ष कार्कीलाई कर्णालीमा अभिनन्दन

पालिका सन्देश । निजी तथा आवासीय विद्यालय अर्गनाइजेसन नेपाल (प्याब्सन) झापाको हालै सम्पन्न अधिवेशनबाट अत्याधिक मतका साथ अध्यक्ष जस्तो गरिमामय पदमा निर्वाचित हुनुभएको भन्दै कर्णाली एजुकेशन फाउण्डेशन बुद्धशान्तिले प्रबन्ध निर्देशक छत्रबहादुर कार्कीलाई विद्यालयले एक कार्यक्रमको आयोजना गर्दै अभिनन्दन गरेको छ ।

कर्णाली एजुकेसन फाउन्डेसनका कार्यवाहक प्राचार्य सोमनाथ भट्टराईको सभापतित्वमा भएको कार्यक्रममा शिक्षक, विद्यार्थी, कर्मचारी तथा अभिभावकहरुले सम्मान गरेका थिए ।

कार्यक्रममा विद्यालय सञ्चालक समिति अध्यक्ष नवीन विमली, पूर्व प्राचार्य गङ्गाराम गडतौला लगायतको उपस्थिति रहेको विद्यालयका कर्मचारी उमेश भट्टराईले बताएका छन् । उक्त कार्यक्रमको सञ्चालन विद्यालयका शिक्षक सीताराम भट्टराईले गरेका थिए ।