प्रसाईंलाई दुई मुद्दामा सफाइ, तर तिनकुने प्रकरणले अझै थुनामा

झापा। राजा फर्काउने अभियानका अगुवा दुर्गा प्रसाईंले साइबर अपराध सम्बन्धी दुई वटा मुद्दामा सफाइ पाएका छन्। राष्ट्रिय स्वतन्त्र पार्टीकी नेतृ ज्वाला संग्रौला र रोशन सुबेदीले दर्ता गरेका मुद्दामा काठमाडौं जिल्ला अदालतले बुधबार प्रसाईंलाई सफाइ दिएको हो।

उक्त मुद्दामा सामाजिक सञ्जालमार्फत चरित्रहत्या र समाजमा घृणा फैलाएको आरोप लगाइएको थियो। अदालतले आवश्यक अनुसन्धानपछि यी आरोपमा पर्याप्त प्रमाण नपुगेको ठहर गर्दै सफाइ दिएको हो।

तर, यी मुद्दाबाट सफाइ पाए पनि प्रसाईं हालसम्म थुनामुक्त भएका छैनन्। उहाँमाथि चैत १५ गते तिनकुनेमा भएको तोडफोड र अशान्ति फैलाउने घटनामा संलग्न भएको गम्भीर आरोप कायमै रहेको अदालत स्रोतले जनाएको छ। सो विषयमा अनुसन्धान जारी रहेको छ।