बुधबारे । बुद्धशान्ति गाउँपालिका अध्यक्ष रमेशकुमार भुजेलले गाउँपालिका अध्यक्ष पदबाट राजिनामा दिएका छन् ।
आसन्न बैशाख ३० गतेको निर्वाचन नजिकिँदै गर्दा जनप्रतिनिधिहरुले धमाधम राजिनामा दिन थालेका छन् । यसअघि नै बुद्धशान्ति गाउँपालिका उपाध्यक्ष सहित दर्जन बढी जनप्रतिनिधिले राजिनामा दिइसकेका छन् ।
निर्वाचन कार्यतालिका अनुसार आइतबार र सोमाबार उम्मेदवारको मनोनयन दर्ता गर्न समय तोकिएको छ। उम्मेदवारी दिन चाहानेले शनिबार नै राजिनामा पेश गरिसक्नु भएकाले भुजेलले गएराती नै राजिनामा दिएका हुन्। नियमानुसार उनले हिजो शनिबार नै कार्यपालिकालाई सम्बोधन गर्दै राजिनामा दिएका हुन्।
निर्वाचनमा उम्मेदवारी दिन राजिनामाको निस्सा बुझाउनुपर्ने अनिवार्य ब्यवस्था छ।
भुजेलले नेपाली काङ्ग्रेसबाटै उम्मेदवारी दिने वा स्वतन्त्र रूपमा अध्यक्ष पदमा लड्ने भन्ने बिषय भने अस्पष्ट छ। केहिदिन अघि नेपाली काङ्ग्रेसको आन्तरिक उम्मेदवार छनौटमा नपरेसँगै उनी असन्तुष्ट रहँदै आएका थिए।
