बुधबारे । विदेश पढ्न चाहने विद्यार्थीका लागि खुसीको खबर आएको छ । बुद्धशान्तिमै आइइएलटिएसको कक्षा सुरु हुने भएपछि अब विदेशका लागि चाहिने अङ्ग्रेजी पढ्न टाढा जानु नपर्ने भएको हो ।
बुद्धशान्ति १ स्थित बुधबारे बिच चोकमा रहेको सेम्पल टेक्निकल इन्स्टिच्युटले शनिबार व्यत्तित्व विकास तथा शैक्षिक परामर्श तालिमको आयोजना गरि उक्त विषयको जानकारी दिएको हो ।
सेम्पल टेक्निकलको आयोजना लाइफ ट्राक एजुकेसन कन्सल्टेन्सी र ब्रिटिस ल्याङवेज बिर्तामोडको सहजीकरणमा भएको कार्यक्रममा व्यक्तित्व विकास सम्बन्धी तालिम सञ्चारकर्मी हरिकृष्ण भण्डारीले दिएका थिए भने लाइफ ट्राक कन्सल्टेन्सीका संचालक मानबहादुर राईले विद्यार्थीहरुलाई वैदेशिक अध्ययनका क्रममा हुने विधि र प्रकृया साथै चरणहरुका बारेमा प्रष्ट पारेका थिए ।
त्यस्तै कर्णाली एजुकेसन फाउन्डेसनका प्रिन्सिपल समेत रहेका गंगाराम गड्तौलाले पनि विद्यार्थीहरुलाई अध्ययनको महत्वका बारेमा प्रष्ट पारेका थिए ।
