विर्तामोडमा सवारी दुर्घटना, एक जनाको मृत्यु

विर्तामोड । झापाको विर्तामोड नगरपालिका २ रामचोकको भित्रि सडकमा आज साँझ दुर्घटनामा हुँदा १ जनाको मृत्यु भएको छ ।

उत्तरबाट दक्षिणतर्फ जाँदै गरेको बा१९च ४०५ नम्बरको कारले विपरित दिशाबाट आएको ना२०प २१८८ नम्बरको पल्सर मोटरसाइकललाई ठक्कर दिएको हो ।

दुर्घटनाबाट शिवशतासी नगरपालिका ११ बस्ने ५० वर्षको नगेन्द्र भण्डारी गम्भिर घाइते भएका थिए ।

घाइते भण्डारीलाई झापाको विर्तामोडमा रहेको बिर्तासिटी अस्पतालमा उपचार गराउने क्रममा बेलुका ७ बजेर १६ मिनेटमा निधन भएको जिल्ला ट्राफिक कार्यालय विर्तामोडले जनाएको छ ।

दुर्घटनामा परेको कार, त्यसका चालक र मोटरसाइक इलाका प्रहरी कार्यालय अनामनीले नियन्त्रणमा लिई थप अनुसन्धान गरिरहेको जनाएको छ । ।