पालिका सन्देश / इलामको सूर्योदय नगरपालिका–७ कन्यामस्थित मेची राजमार्गमा स्कुटर दुर्घटना हुँदा दुईजना घाइते भएका छन् ।
कन्यामबाट फिक्कलतर्फ जाँदै गरेको मे ११ प ६३३० नम्बरको स्कुटरले सोही स्थानमा रोकिराखेको मे १ ख ३२०१ नम्बरको मिनी ट्रकलाई पछाडिबाट ठक्कर दिई दुर्घटना हुँदा भन्ने स्कुटर चालक इलाम सूर्योदय नगरपालिका– ११ मुर्तिडाँडा बस्ने ३७ वर्षीय पञ्च लिम्बू (बायाँ आँखाको डिलमा चोट) र पछाडि सवार पाँचथर फालेलुङ गाउँपालिका– ६ बस्ने वर्ष अन्दाजी २८ वर्षीय निर्मल राई(टाउकोको दाहिने भागमा चोट) लागेर घाइते भएका छन् ।
दुवै घाइतेलाई तत्काल उपचारको लागि फिक्कल अस्पताल फिक्कल पठाइएकोमा सामान्य उपचारपछि थप उपचारका लागि प्रादेशिक अस्पताल भद्रपुर झापा पठाइएको छ ।
दुवैको अवस्था सामान्य रहेको र मिनी ट्रक चालक झापा हल्दिबारी गाउँपालिका– २ पाराखोपी बस्ने २६ वर्षीय दीपेश मेचेलाई प्रहरीले नियन्त्रणमा लिएको जिल्ला प्रहरी कार्यालय इलामले जनाएको छ ।
