झापा / पछिल्लो समय कोरोना भाइरसको संक्रमण दिनानुदिन बढ्दै गएको भन्दै जिल्ला प्रशासन कार्यालय झापाले नयाँ नागरिकता र नागरिकताको प्रतिलिपि लिन झापाका पालिकाहरुलाई अलग-अलग समय निर्धारण गरेको छ ।
सोमबार एक विज्ञप्ति जारी गर्दै बढ्दो कोरोना संक्रमणलाई मध्यनजर गर्दै जिल्लाका पालिकाहरुलाई हप्तामा २ दिन पर्ने गरी समय निर्धारण गरेको हो ।
जस अन्तर्गत मेचीनगर नगरपालिका, बिर्तामोड नगरपालिका र हल्दिबारी गाउँपालिकालाई आइतबार–सोमबार, भद्रपुर नगरपालिका, कन्काई नगरपालिका र बुद्धशान्ति गाउँपालिकालाई मंगलबार–बुधबार र अर्जुनधारा नगरपालिका, कचनकवल गाउँपालिका, बाह्रदशी गाउँपालिका र झापा गाउँपालिकालाई बिहीबार र शुक्रबार समय तोकेको छ ।दमक र गौरीगन्जको हकमा भने कार्यालय खुलेको सबै दिन सेवा प्रवाह हुने जनाएको छ ।अन्य पालिकाको हकमा भने तोकिएका दिनहरुमा मात्र सेवा प्रवाह हुने विज्ञप्तिमा उल्लेख छ ।
