डिफेन्डिङ च्याम्पियन बिर्तामोड र कनकाई क्वाटरफाइनलमा

आयुष निरौला, बुद्धशान्ति, माघ १२

डिफेन्डिङ च्याम्पियन बिर्तामोड नगरपालिका र कनकाई नगरपालिका बुद्धशान्तिमा जारी दोस्रो संस्करणको झापा जिल्ला अन्तरपालिका टी-२० क्रिकेट प्रतियोगिताको क्वाटरफाइनलमा प्रवेश गरेका छन्।

EPIC EPIC EPIC

आज भएको पहिलो खेलमा बिर्तामोड नगरपालिकाले कमल गाउँपालिकालाई ८७ रनको फराकिलो अन्तरले पराजित गर्‍यो। टस जितेर पहिले ब्याटिङ गरेको बिर्तामोड नगरपालिकाले निर्धारित २० ओभरमा ५ विकेट गुमाउँदै २१४ रन बनाएको थियो। २१५ रनको लक्ष्य पछ्याएको कमल गाउँपालिकाले २० ओभर खेल्दै ९ विकेट गुमाएर मात्र १२७ रन बनाउन सक्यो। बिर्तामोडका लागि २७ बलमा ५४ रन बनाएका आदर्श सरिया ‘म्यान अफ द म्याच’ घोषित भए।

त्यसैगरी, दोस्रो खेलमा बाह्रदशी गाउँपालिकाविरुद्ध कनकाई नगरपालिकाले ३४ रनले जित दर्ता गरेको छ। पहिले ब्याटिङ गरेको कनकाई नगरपालिकाले निर्धारित २० ओभरमा ९ विकेट गुमाउँदै १८२ रन बनाएको थियो। १८३ रनको लक्ष्य पछ्याएको बाह्रदशी गाउँपालिकाले ८ विकेट गुमाउँदै १४८ रन मात्र बनाउन सक्यो। कनकाईको जितमा ब्याटिङमा २६ रन बनाउनुका साथै बलिङमा २ विकेट लिएका अनिश न्यौपाने ‘म्यान अफ द म्याच’ घोषित भए।

भोलि माघ १३ गतेको पहिलो खेल झापा गाउँपालिका र शिवसताक्षी नगरपालिकाबीच हुनेछ भने दोस्रो खेल मेचीनगर नगरपालिका र हल्दिबारी गाउँपालिकाबीच हुने जानकारी आयोजक वर्षा स्मृति प्रतिष्ठानका सदस्य गोकुल पौडेलले दिएका छन्।

प्रतियोगिताको विजेताले नगद १ लाख ५० हजार रुपैयाँ, मेडल, ट्रफी र प्रमाणपत्र प्राप्त गर्नेछ भने उपविजेताले नगद ७५ हजार रुपैयाँ, मेडल, ट्रफी र प्रमाणपत्र प्राप्त गर्ने प्रतियोगिता अध्यक्ष मदन प्रसाईंले जानकारी दिएका छन्।

यो समाचार तपाईलाई कस्तो लाग्यो??
+1
0
+1
0
+1
0
+1
0
+1
0
+1
0
+1
0
EPIC EPIC EPIC

लेखकको बारेमा

palika-sandesh

पालिका सन्देश

Leave a Reply

Your email address will not be published. Required fields are marked *