Search
Close this search box.
Search
Close this search box.

विनाभिसा अमेरिका प्रवेश गर्न खोज्ने आप्रवासीलाई फिर्ता पठाउन सुरु

अमेरिकी सिमा सुरक्षा एजेन्टहरूले राष्ट्रपति बाइडेनको कार्यकारी आदेश अन्तर्गत मेक्सिकोकोबाट विनाभिसा अमेरिका प्रवेश गर्न खोज्ने आप्रवासीहरूलाई फिर्ता पठाउन सुरु गरेका छन् । बाइडेनले सिमाक्षेत्रमा एसाइलम खोज्नेहरुलाई कडाई गर्न नयाँ नीतिको घोषणा गरे लगत्तै सिमाक्षेत्रमा आएकाहरुलाई फर्काउन थालिएको हो ।

राष्ट्रपतिले सीमामा आपतकालिन अवस्था घोषणा गरेको एक दिन पछि मेक्सिकोबाट अवैध रूपमा प्रवेश गरेका आप्रवासीहरूलाई फिर्ता गरिएको हो । बाइडेन प्रशासनले तोकेका आधारभूत नियमहरू अन्तर्गत उनीहरुलाई फिर्ता गरिएको हो । तर कति आप्रवासीहरू फर्काइयो भन्नेबारे केही बताइएको छैन ।

बाइडेनको नयाँ नियमले विनाभिसा सिमा पार गर्नेहरुको संख्या औषतमा १५ सयभन्दा माथि भएपछि सिमाक्षेत्रमा एसाइलममा प्रतिबन्ध लगाउँछ । यो प्रतिबन्धले गैरकानूनी रूपमा अमेरिका प्रवेश गर्न खोज्ने आप्रवासीहरूमा प्रतिबन्धको प्रभाव कुन स्तरमा पार्छ भनेर अहिले नै मापन गर्न भने मुस्किल रहेको छ ।

बाइडेन प्रशासनले कार्यकारी आदेशका नयाँ प्रतिबन्धहरू लागु गर्ने प्रयास प्रारम्भिक हप्ताहरूमा बढाउने भएको छ । गैरकानूनी क्रसिङहरू हटाउन देशनिकालाको उपाय महत्त्वपूर्ण रहेको अधिकारीहरुले बताएका छन् ।

आप्रवासीहरू रियो ग्रान्देको किनार हुँदै अमेरिका पुग्छन् । (फोटो: अल्फ्रेडो एस्ट्रेला / एएफपी)

बाइडेन प्रशासनले नयाँ उपायहरू अन्तर्गत आप्रवासीहरूलाई उनीहरुका देशमा फर्काउने संख्या बढाउनको लागि देशनिकालाका उडानहरूमा छोटो अवधिको बृद्धिको तालिका भने बनाएको छैन । अधिकारीहरूले देशनिकाला वा मेक्सिको फिर्ता गर्ने आप्रवासीहरुको संख्या एक दशकमा उच्चतम स्तरमा बढाएको बताएका छन् । उनीहरुले आगामी हप्ताहरूमा उडानहरू बढाउने योजना बनाएका छन्।

आइसले हरेक दिन लगभग पाँच देखि सातवटा देशनिकालाका उडानहरु सञ्चालन गर्दै आएको छ । मुख्य रूपमा मध्य अमेरिका र पश्चिमी गोलार्धका अन्य राष्ट्रहरूमा देशनिकालाका लागि यी उडानहरु संचालित छन् । ती उडानहरूले सामान्यतया लगभग १०० देखि १२० जना निर्वासितहरू बोक्छन्। उडानहरूलाई तिनीहरूको लागतको अतिरिक्त महत्त्वपूर्ण योजना र समन्वय आवश्यक पर्दछ।

बाइडेन प्रशासनले उडानका अतिरिक्त मेक्सिकोसँगको स्थल सीमामार्फत थप आप्रवासीहरूलाई फिर्ता पठाउने प्रयास गर्नेछ। मेक्सिकोका अधिकारीहरूले मध्य अमेरिकीहरू, क्युबालीहरू, हाइटियनहरू र भेनेजुएलाका नागरिकहरुलाईमात्र फिर्ता लैजाने सिमितता कायम गरेकाले अरु देशका नागरिकहरुलाई उडानमार्फत पठाउनुपर्छ ।

मेक्सिकोले नेपाल, चीन, भारत, अफ्रिकाका राष्ट्रहरू र विश्वका अन्य ठाउँहरूबाट अमेरिका प्रवेश गरेका आप्रवासीहरूलाई फिर्ता लिदैन । ती देशका नागरिकहरुलाई शरण लिन अयोग्य सावित गर्दा पनि नयाँ प्रतिबन्धहरूले उनीहरुलाई द्रुत निर्वासन गर्न सक्दैन । किनभने उनीहरुलाई उडानमार्फत फरक प्रकृया अपनाएर देशनिकाला गर्नुपर्ने हुन्छ ।

यो समाचार तपाईलाई कस्तो लाग्यो??
+1
0
+1
0
+1
0
+1
0
+1
0
+1
0
+1
0

लेखकको बारेमा

palika-sandesh

पालिका सन्देश

Leave a Reply

Your email address will not be published. Required fields are marked *