सुनको मूल्य बढ्यो

काठमाडौं – स्थानीय बजारमा पहेंलो धातुको मूल्य बुधबार प्रतितोला रु ५०० ले उकालो लागेको छ। प्रतितोला रु ९२ हजारमा मङ्गलबार कारोवार भएको छापावाला सुन आज तोलामा रु ५०० ले उकालो लागेर रु ९२ हजार ५०० मा कारोवार हुने गरी मूल्य निर्धारण भएको हो।

नेपाल सुनचाँदी व्यवसायी महासङ्घका अनुसार मङ्गलबार तोलामा रु ९१ हजार ५०० मा कारोवार भएको तेजाबी सुन बुधबार रु ९२ हजार मूल्य निर्धारण भएको छ। यस्तै चाँदी तोलामा नै रु १५ ले वृद्धि भएको छ।

चाँदी तोलामा रु एक हजार २४५ मा मङ्गलबार कारोवार भएको थियो। आज रु एक हजार २६० मूल्य निर्धारण हुने भएको छ।