बुद्धशान्ति (पालिका सन्देश) । राष्ट्रिय प्रजातन्त्र पार्टी (राप्रपा )का केन्द्रीय अध्यक्ष राजेन्द्र लिङदेन झापा आउने भएका छन् । भोलि २५ गते बुधबार बिहान ११ बजे देखि बुधबारे चोकमा हुने आमसभा कार्यक्रमलाई सम्बोधन गर्न अध्यक्ष लिङदेन बुधबार झापा आउने राप्रपा गाउँकमिटि बुद्धशान्तिका अध्यक्ष नारायण न्यौपानेले बताएका छन् ।
राप्रपा गाउँकमिटि बुद्धशान्तिले आयोजना गरेको आमसभा कार्यक्रमलाई सम्बोधन गर्दै पार्टी प्रवेशको कार्यक्रम समेत रहेको प्रचारप्रसार संयोजक गणेश खरेलले बताएका छन् । हाल देशमा भैरहेको समसामायिक परिस्थिती संगै आउँदै गरेको स्थानीय चुनाव लगायतका विषयवस्तुलाई मध्यनजर गरेर सम्बोधन गर्ने कार्यक्रम रहेको छ ।
कार्यक्रमलाई सम्बोधन गर्न अध्यक्ष लिङदेन संगै पार्टी प्रवक्ता भक्ति सिटौला, जिल्ला अध्यक्ष केशवप्रसाद ओझा समेतले सम्वोधन गर्ने कार्यक्रम रहेको पत्रकार भेटघाटका क्रममा बताइएको छ । सोहि अवसर पारेर पार्टीका संस्थापक वृद्धवृद्धालाई समेत सम्मान गरिने छ । खुल्ला आमसभा बुधबारे चोक वडा नम्बर ३ को कार्यालय छेउमा हुने भएको छ ।
