बुधबारे । बुधबारे जेसीजको खासदिन जन्मदिन कार्यक्रम अन्तर्गत सदस्य जेसी दिपेश भट्टराईको जन्मदिनको अवसर पारेर आइतबार एक कार्यक्रमको आयोजना गरेर बिपन्न परिवारलाई स्वास्थ्य बीमा गरिएको छ ।
बुद्धशान्ति वडा नम्बर १ का दुई बिपन्न आर्थिक अवस्था कमजोर भएका परिवारलाई बीमा गराईदिएर जन्मदिन मनाईएको छ । बुधबारे जेसीज वर्ष २०२३ का अध्यक्ष अर्जुन ढकालको अध्यक्षता तथा पूर्व अध्यक्ष सेमन्त पोख्रेलको प्रमुख आतिथ्यतामा भएको कार्यक्रममा पूर्व अध्यक्ष रमेश बराल, प्रकाश भण्डारी, नन्दुयाफु राई, अनिल वाग्ले, निवर्तमान अध्यक्ष मुकेश भट्टराई तथा बोर्डका पदाधिकारीको उपस्थिति रहेको थियो ।
बुधबारे जेसीजले आफ्ना पदाधिकारीको जन्मदिनको अवसर पारेर ’जन्मदिन खास दिन’ कार्यक्रम अन्तर्गत विभिन्न सामाजिक गतिविधि सञ्चालन गर्दै आएको अध्यक्ष अर्जुन ढकालले बताएका छन् । उनले स्थापनाकाल देखी नै आफ्ना कार्यक्रम मार्फत बुधबारे जेसीजले समाजमा टेवा पुर्याइरहेको स्मरण गराएका थिए ।
कार्यक्रममा बुधबारे जेसीजका कोषाध्यक्ष राज पौडेलले जेसीज आस्था पाठ वाचन गरेका थिए भने सञ्चालन महासचिव कुशल अधिकारीले गरेका थिए । कार्यक्रमको संयोजक दिपेश भट्टराई रहेका थिए ।
