डेंगुको लार्भा नष्ट गर्न बुद्धशान्तिमा अभियान चलाईंदै

बुद्धशान्ति(पालिका सन्देश) । बुद्धशान्ति गाउँपालिकाले डेंगु रोग फैलाउने लामखुट्टेको लार्भाको खोजी र नष्ट गर्ने अभियान सञ्चालन गर्ने भएको छ । डेंगुको महामारी नियन्त्रण र रोग रोकथाम गर्ने उद्देश्यले लामखुट्टेको लार्भा खोजी र नष्ट गर्ने अभियानको थालनी गर्ने बताइको हो ।

गाउँपालिकाले एक सूचना जारी गर्दै डेंगुको लार्भा नष्ट गर्ने अभियानमा सरिक हुन गाउँपालिकाबासीलाई अपिल समेत गरेको छ । शुक्रबार गाउँपालिकाको प्राङगणबाट बृहत आमभेला गरी अभियानका रुपमा सञ्चालन गरिने बताइएको हो । उक्त अभियानमा सरिक हुन गाउँपालिकाले सम्पूर्ण संघसंस्थाका प्रतिनिधि, राजनीतिक दलका प्रतिनिधि, स्थानीय संघसंस्थाका प्रतिनिधि, सरोकारवाला सम्पूर्णमा अनुरोध गरेको छ ।