झापा । झापा जिल्लाको कचनकवल गाउँपालिकाले गत एक वर्षमा दर्ता भएका मुद्दा मध्ये ७३ प्रतिशत मुद्दा स्थानिय तहमा नै छलफल तथा मेलमिलाकको नीति अवलम्बन गरि मिलाउन सफल भएको छ ।
गाउँपालिकाको न्यायिक समितिमा गत आ.व. २०७९।८० मा ११६ वटा मुद्दा दर्ता भएको, सो मध्ये ५६ वटा मुद्दा स्थानिय तहमा नै मेलमिलाप गराइएको, ३ वटा मुद्दामा न्यायिक समितिले निर्णय गरेर मिलाएको, २४ वटा मुद्दा अदालत जान भनि सिफारिस गरिएको र ३० वटा मुद्दा यस आ.ब.मा निर्णय गर्ने गरि सारिएको गाउँपालिका उपाध्यक्ष तथा न्यायिक समिति संयोजक नवराज भट्टराईले जानकारी दिए ।
भट्टराईका अनुसार कचनकवल गाउँपालिकमा विषेश गरि जग्गासम्बन्धी मुद्दा, पति पत्नी बीच सम्बन्धका मुद्दा, महिला हिंसा, बाटो सम्बन्धी, सामान्य झै.झगडा सम्बन्धी मुद्दाहरु धेरै आउने गरेका छन् ।
न्यायिक समितिमा दर्ता भएका मुद्दाहरुलाई मेलमिलापका लागि भनेर वडा मेलमिलाप केन्द्रमा पठाउने गरिएको छ । गाउँपालिकाले सातवटै वडामा मेलमिलाप केन्द्र स्थापना गरि मेलमिलापकर्ताहरुलाई तालिम समेत दिएको छ र ती केन्द्रहरुले कानुनले तोके बमोजम ११ प्रकृतिका मुद्दाहरु वडामा नै सामाजिक न्याय तथा मेलमिलापको निति अवलम्बन्ध गरि मिलाउन प्रयत्न गर्दन् ।
गत आ.व.मा त्यस्ता ४१ वटा मुद्दा वडा मेलमिलाप केन्द्रमा पठाइएकोमा २३ वटा मुद्दा वडामा नै समाधान भएको भट्टराईले बताए ।
