बुद्धशान्ति। झापाको बुद्धशान्ति गाउँपालिकामा गएराती जंगली हात्तीले चार वटा घरमा क्षति पुर्याएको छ । राती अन्दाजी १२ :५० बजेको समयमा बुद्धशान्ति –५ आयाबारीस्थित थारु गाउँमा जंगली हात्ती आएर क्षति पुर्याएको प्रहरीले जनाएको छ ।
हात्ती थारु गाउँ पसेर लुदा दनुवार१० मन धान, घरको टाटीबेरा भत्काएर ३० हजार रुपैयाँ बरारको क्षति पुर्याएको छ भने दिप नारायण दनुवारको १० मन धान, घरको टाटीबेरा भत्काउँदा ३० हजार रुपैयाँकै क्षति भएको छ ।
त्यस्तै महेन्द्र दनुवार मन धान, घरको टाटीबेरा भत्काउँदा ३० हजार रुपैयाँ बराबरको क्षति र नागिनप्रसाद चौधरी २ कठ्ठा जग्गामा लगाएको तरकारी आलु ८ मन, बैगुनफल्दै गरेको, टमाटर१०० केजी, कोबी ४०÷५० केजी, केरा झ्याङ्ग सबै गरी ५० हजार रुपैयाँ बराबरको क्षति गरेको जिल्ला प्रहरी कार्यालय झापाले जनाएको छ ।
पिडितहरुले इलाका प्रहरी कार्यालय बुधबारे निबेदन साथ जानकारी गराएको ईप्रका बुधबारेको टोली घटना स्थल पुगेको थियो जिल्ला प्रहरीले कार्यालय झापाले जनाएको छ ।
