भोजपुरमा भएको प्रथम मेयरकप भलिबल खेलको बिजेता दमक

दीपेन्द्र लुईटेल भोजपुर ।भोजपुरको स्थानीय टुडिखेलमा भएको प्रथम मेयरकप अन्तर पालिका स्थतरिय भलिबल खेलको उपाधि दमक नगरपालिका हात पारेको छ ।
शनिवार भएको फाइनल खेलमा भोजपुरको षडानन्द नगरपालिकालाई तीन सेटमै हराउँदै दमक नगरपालिका बिजेता बन्न सफल भएको हो ।
भोजपुर नगरपालिकाको मुख्य प्रायोजनमा संचालित प्रतियोगिताबाट बिजेता बनेको दमक नगरपालिकाले नगद एक लाख र उपबिजेता बनेको षडानन्द नगरपालिकाले नगद ५० हजार सहित ट्रफी, मेडल र प्रमाण पत्र पाएको छ भने सेमिफाइनलमा पुगेका दुई टिमले पनि २५–२५ हजार पाएका छन् ।

गत माघ १० गतेबाट संचालन भएको अन्तरपालिका स्तरीय भलिवल प्रतियोगितामा भोजपुर नगरपालिका, दमक नगरपालिका, षडानन्द नगरपालिका, आमचोक गाउँपालिका, टेम्केमैयुङ गाउँपालिका, रामप्रसाद राई गाउँपालिका, अरुण गाउँपालिका र साल्पासिलिछो गाउँपालिका गरी आठ वटा टिमले सहभागिता जनाएको आयोजक जिल्ला खेलकुद बिकास समिति भोजपुरले जनाएको छ ।