कटुवा पेस्तोलसहित बिर्तामोडबाट पराजुली पक्राउ

झापाको बिर्तामोड नगरपालिका वडा नम्बर ७ फक्तालुङ (सिरान) टोलबाट कटुवा पेस्तोलसहित एक जनालाई प्रहरीले पक्राउ गरेको छ । पक्राउ पर्नेमा सोही स्थानका ३० बर्षिय सुरेश पराजुली रहेका छन् । 

सुरेशले बुधवार साँझ ७ बजेको समयमा आफ्नै भाउजु गिता पराजुलीसँग झै–झगडा तथा बादबिबाद गरी रहेको जानकारी प्राप्त हुना साथ प्रहरी टोली सो स्थानमा पुगेको थियो । 

सुरेशको घरमा अवैध हतियार समेत रहेको घर कोठालगायत आसपासको क्षेत्रमा लुकाई छिपाई  राखिएको अवस्थाको बिड सहितको पुरा लम्बाई १० इन्च रहेको कटुवा पेस्तोल एक थान फेला परेको प्रहरीले जनाएको छ । 

उक्त कटुवा पेस्तोल बरामद गरी सुरेशलाई नियन्त्रणमा लिएर इलाका प्रहरी कार्यालय अनारमनी बिर्तामोडमा ल्याएर राखिएको र थप अनुसन्धान भइरहेको जिल्ला प्रहरी कार्यालय झापाले जनाएको छ ।