काँकडभिट्टाबाट भारत निकासी हुन लागेको ३ सय केजी सुपारी बरामद

बिर्तामोड। नेपालबाट भारततर्फ निकासी गर्दै गरेको अवस्थामा प्रहरीले सुपारी बरामद गरेको छ । सोमबार साँझ ७ः३० बजे मेचीनगरबाट प्रहरीले अवैध सुपारी बरामद गरेको हो ।

मेचीनगर ६ पिङकी ठ्याक भन्ने ठाउँबाट प्रहरीले ३०० केजी सुपारी अवैध रुपमा भारत निकासी गर्न लागेको अवस्थामा पक्राउ गरेको जिल्ला प्रहरी कार्यालय झापाले जनाएको छ ।

सुपारी अन्दाजी २ लाख ७० हजार मूल्यको रहेको प्रहरीको भनाइ छ । बरामद भएको सुपारी मेची भन्सार कार्यालय काँकरभिट्टामा बुझाइएको प्रहरीले जनाएको छ ।