शिवसताक्षीका सबै वडामा भेटिए अटिजम भएका बालकालिका, अभिभावक अनविज्ञ

सरोज भट्टराई

शिवसताक्षी । झापाको शिवसताक्षीमा अटिजम भएका बालबालिकाहरु फेला परेका छन् ।
गएको पौष ७ गतेबाट १७ गतेसम्म सञ्चालित अपाङ्गता भएका व्यक्तिहरुको पहिचान र परिचय पत्र वितरण शिविरमा स्वास्थ्य परीक्षणका क्रममा अटिजम भएका बालबालिकाहरु फेला परेका हुन् । शिविरमा शिवसताक्षीका ११ वटै वडामा अटिजम भएका बालबालिकाहरु फेला परेको शिवसताक्षी नगरपालिकाले जनाएको छ ।

EPIC EPIC EPIC

शिवसताक्षी नगरपालिकाका सहकारी प्रमुख तथा शिविरका संयोजक बद्री दाहालका अनुसार नगरका प्रत्येक वडामा १२ देखि १५ जना अटिजम भएका बालबालिकाहरु भेटिएका छन् । उनले शिवसताक्षीमा अटिजम भएका बालबालिकाहरुको तथ्यांक नगरपालिकासँग नभएको जानकारी दिए । उनका अनुसार शिविर सञ्चालनका क्रममा स्वास्थ्य परीक्षणका लागि आएका धेरै बालबालिकाहरुमा अटिजम देखिएकोे छ ।

शिवसताक्षी नगरपालिकाका नगरप्रमुख मेगाहाङ्ग थोप्राले अटिजमको समस्या विश्वभर बढेको र शिवसताक्षीमा पनि देखिएको जानकारी दिए । तर कति संख्यामा छन्, त्यो आधिकारिक तथ्यांक छैन । अटिजम नगरमा पहिलो पटक थाहा भएको र यसका लागि अहिले नै के गर्ने भन्ने विषयमा छलफल नभएको जानकारी दिए । उनले भने, राज्यले यस्ता समस्यालाई कसरी हेर्छ । त्यसपछि मात्रै नगरपालिकाले आफ्नो धारणा बनाउने छ ।

अटिजमको संख्या देखिएसँगै त्यस्ता बालबालिकाहरुलाई अध्ययन गराउने, थेरापी गराउने, उनीहरुलाई सामान्य अवस्थामा ल्याउनका लागि आवश्यक सामग्रीहरु नभएका कारण समस्या भएको अभिभावकहरु बताउँछन् ।

शिवसताक्षी १ डुँडामारी निवासी सन्दिप शेर्माको ६ वर्षीय छोरा मिक्सम शेर्मालाई अटिजम भएको छ । छोरा दुई वर्ष पुग्दासम्म तोते बोल्दै थिए, त्यसपछि नानीको बोली अचानक बन्द भएको बुबा सन्दिपले बताए । छोराले बोल्न छोडेपछि अस्पताल लैजादा डाक्टरले अटिजमको लक्षण रहेको बताएका थिए । मिक्सम ६ वर्ष पुग्दा पनि बोलेका छैैनन् । आफ्नो छोरालाई पठाउन विद्यालयले नमान्ने गरेको बुबा सन्दिपले गुनासो गरे । उनका अनुसार नगरभित्र धेरै अटिजम भएका बालबालिका छन् ।

तर, आफ्ना छोराछोरीहरुलाई अटिजम भएको थाहा पाए खिसीटियुरी गर्ने, अपहेलना गर्ने डरले अभिभावकहरुले अटिमको समस्या भएको बाहिर ल्याउने गरेका छन् । उनी भन्छन्, बालबालिकामा अटिजमको समस्या दिनप्रतिदिन बढेर गइरहेको छ । सरकारले यस्ता बालबालिकाहरुलाई पढ्ने, थेरापी गर्ने र उनीहरुलाई आवश्यक पर्ने सामग्रीहरुको व्यवस्था गरिदिन माग समेत गरेका छन् ।

उनका छोरा मिक्समलाई हाल कनकाई नगरपालिकास्थित सुरुङ्गाको एक विद्यालयका पठाउँदै छन् । अटिजम भएका बालबालिकालाई पठाउन शुल्क महंगो उनले जानकारी दिए । तीन वटा क्लासको मासिक १० हजार तिर्नु पर्छ । यो रकम न्यून आय भएका नागरिकको लागि महंगो हो । उनका अनुसार सुरुङ्गाको एक विद्यालयमा मात्र ६० जना अटिजम भएका बालबालिकाहरु पढ्ने गरेका छन् ।

नगरका कपितय अभिभावकलाई आफ्ना छोरा छोरीहरुलाई अटिजम भएको भन्ने बारे थाहै छैन । उनीहरुले नानीहरुलाई अस्पतालसम्म लगेका छैनन् । उनीहरु अटिजम सम्बन्धी रोगबारे अनविज्ञ छन् ।

विश्व स्वास्थ्य संगठनको सन् २०२२ रिपोर्ट अनुसार प्रत्येक १०० जना बालबालिकामध्ये १ जनामा अटिजम भएको प्रतिवेदन छ । नेपालमा अटिजमको संख्या कति छ भन्नका लागि कुनै सर्वेक्षण भएको पाइँदैन । केही वर्षअघि सन २०१६ मा नेपालको एक दुर्गम जिल्लामा गरेको अनुसन्धान अनुसार एक हजार बालबालिकामध्ये ३ जना स्कुल जाने बालबालिकामा अटिजमको लक्षण भएको पाइएको थियो ।

यो समाचार तपाईलाई कस्तो लाग्यो??
+1
0
+1
0
+1
0
+1
0
+1
0
+1
0
+1
0
EPIC EPIC EPIC

लेखकको बारेमा

palika-sandesh

पालिका सन्देश

Leave a Reply

Your email address will not be published. Required fields are marked *