विद्युत् प्राधिकरणको कार्यकारी निर्देशकमा हितेन्द्र देव शाक्य नियुक्त

काठमाडौं: नेपाल विद्युत् प्राधिकरणको कार्यकारी निर्देशकमा हितेन्द्र देव शाक्य नियुक्त भएका छन्। सोमबार बसेको मन्त्रिपरिषद् बैठकले शाक्यलाई प्राधिकरणको कार्यकारी निर्देशकमा नियुक्त गर्ने निर्णय गरेको हो।

ऊर्जा मन्त्रालयको प्रस्तावमा मन्त्रिपरिषद्ले शाक्यलाई नियुक्त गरेको हो। सोही बैठकले हालका कार्यकारी निर्देशक कुलमान घिसिङलाई पदबाट बर्खास्त गर्ने निर्णय गरेको छ।

चार वर्षे कार्यकाल रहेका घिसिङको पदावधि आगामी साउन २४ गते समाप्त हुने भए पनि सरकारको निर्णयअनुसार उनी समयअघि नै हटाइएका हुन्। डेडिकेटेड र ट्रंक लाइनको विषयलाई लिएर घिसिङ विवादमा तानिएका थिए। उद्योगहरूको लाइन काट्ने विषयमा घिसिङ र सरकारबीच लगातार मतभेद देखिएको थियो।