नेपालमा मार्च महिनामा एक लाख २१ विदेशी पर्यटक भित्रिए

काठमाडौं – सन् २०२५ को मार्च महिनामा एक लाख २१ हजार ८०० विदेशी पर्यटक नेपाल आएका छन्। यो संख्या हवाइमार्ग भएर आएका पर्यटकको हो।

नेपाल पर्यटन बोर्डका अनुसार यस वर्षको पहिलो तीन महिनामा कुल दुई लाख ९८ हजार विदेशी पर्यटक नेपाल भित्रिएका छन्। जनवरीमा ७९ हजार ९०० र फेब्रुअरीमा ९६ हजार ८०० पर्यटक आएका थिए।

मार्च महिनामा भारतबाट सबैभन्दा धेरै २१ हजार ४१२ पर्यटक नेपाल आएका छन्। चीनबाट ११ हजार ४४३, अमेरिकाबाट ११ हजार ९२, श्रीलंकाबाट आठ हजार ८८६, र बेलायतबाट पाँच हजार ९९५ पर्यटक आएका छन्।

यस अवधिमा दक्षिण एसियाली मुलुकबाट मात्र ३५ हजार २८७ पर्यटक नेपाल प्रवेश गरेका छन्।